Næstum farin til Ítalíu....

Þegar þetta er skrifað eru 4 tímar þangað til ég þarf að fara að skella mér upp á völl. Ég er ekki búin að pakka, né klára allt sem ég þarf að gera áður en ég fer út eins og að finna ferðatöskur í geymslu sem er svo full að ég gæti drukknað í dóti ef ég dirfist að opna hana. Gunni er ennþá úti að keyra út pakka og jólakort sem gleymdist að senda. Ég er búin að vera að fatta hitt og þetta sem hefur gleymst í dag... en það verður bara að hafa það. Ég er að vona að ég nái kannski dúr í einn eða tvo tíma áður en við leggjum í hann. Flug kl.7:30 til 12:00 og svo aftur kl.16:00 til 18:00 og þá erum við loks komin á áfangastað, til Italíu. Þannig að þetta verður frekar langur dagur á morgun.

Ég ætla bara að segja við ykkur vini nær og fjær:

Það var ekki tími til að senda eða skrifa jólakort í ösinni seinustu daga. Þið sem hefðuð fengið jólakort þið vitið hver þið eruð. Ég lofa í staðinn að senda ykkur jólakort á næsta ári :) Þá verð ég ekki í jólaprófum alveg á seinasta snúningi. Mig langar bara að þakka ykkur vinum mínum sem eruð algjört æði og ógó skemmtileg fyrir seinasta ár sem var mjög skemmtilegt. Hefði ekki verið jafn skemmtilegt án ykkar. Margt skemmtilegt sem var brallað og vonandi verður næsta ár ennþá skemmtilegra. Vona að allir hafi það gott yfir jólin og áramótin. Hafið sem mest af ást og kærleik og yndisemdum í lífum ykkar á næsta ári.

Buon anno e buon natale. Auguri da Italia...

P.s. Þið stelpur sem eruð á leið aftur af landi brott í byrjun janúar (sem by the way eru allt of margar!!!!) Hvað segiði um að hafa þrettándapartý laugardaginn 5.jan? Ég er game ef þið eruð game???

Athugasemdir

[Sísí Rut (IP-tala skráð) 27.12.2007 kl. 14:06]

Sælar og gleðileg jól.  Vona að ferðin út hafi gengið vel.  Hvernig eru annars jólin búin að vera hjá þér á Ítalíu?  Ertu búin að hitta marga gamla skólafélaga? Ertu kannski byrjuð að bruna niður brekkurnar í Madonna eins og enginn sé morgundagurinn?  En mál málanna er hvort þú sért búin að fá margar gjafir,  það er lykillinn að góðum jólum að mínu mati.  Ég er búin að fá margar gjafir.  Náði ekki að hitta þig áður en þú fórst svo að pakkinn þinn bíður spenntur eftir þér.  Hann er lifandi, segi ekki meir. Hvenær kemur þú heim? Var það 3ja, 4ða, 7unda eða 8unda??? Ég bara man ekki :-/

[Anna Heida (IP-tala skráð) 30.12.2007 kl. 11:35]

Saelar vinkona. Er ekki enn bùin ad fara à skidi en tad verdur vonandi innan skamms. Er bùin ad vera dugleg i bùdunum i stadinn. ég kem annars heim 4ja janùar. Tad verdur tà haldid party...... En jà nàdi ekki ad hitta neinn adur en èg fòr ùt... of mmikid ad gera. Vid erum annars bùinn ad hafa vel ofan af fyrir okkur hèrna ùuti svo ekki sè meira sagt. Milanò,fenyejar, verona og hvad og hvad....  Segi tèr allt tegar heim er komid :)